Es dunklet scho im Tannewäldli.

Und schneied ganz lislig.

Was isch döt für e Liechtli ide Turnhalle zmitzt in Wifelde?

Döt ine het d‘SLRG ihren Chlausobig.

Jung und alt, vo noh und fern sind’s cho um sich sportlich z‘betätige.

Ballspieli und Parcours hend d‘Schwimmer zum schwitze brocht.

De Samichlaus und de Schmutzli sind schwer beschäftigt.

All die Chind wo warted und müend bsuecht werde und au die viele Guezli wo no müend bache werde.

So isches ade Teilnehmer glege, s‘Vereinsjohr Revue passiere z‘loh und sich ade Stell vom

Samichlaus z’überlege, was er wohl sege wör.

Gar kei eifachi Ufgob, hend mir müesse merke.

Im Lauf vom Obig sind d‘Säck wieder packt worde.

Es paar Hüser witer bim Madörin Kafi het denn s’Liechtli no lang chöne brenne.

Chueche und Schöggeli hend mir dörf gnüsse und au a Nüssli und Mandarinli hets nöd gfehlt.

En Dank a di kreative Organisatorinne und s‘Vertraue vom Madörin!